Anita og Robbi

Við skötuhjúin á árshátíð VÍS

2005-12-16T01:47:00.000-08:00

Robbi að koma heim!!!!

2005-12-16T01:00:00.000-08:00

Jæja loksins er minn heittelskaði að koma heim. Þeir eru að leggja við land núna og ætla ég að hitta hann í hádeginu heima, vonandi! Nú er allt orðið svo jólalegt heima, eigum bara eftir að pakka inn jólagjöfum og skrifa nokkur kort og jú auðvitað að huga að jólamatnum, en við höfum alveg viku í það, saman! Brjálað að gera hjá skólakrökkunum mínum, Rakel og Róbert. Róbert átti afmæli í gær, varð þrettán ára guttinn. Svoldið skrýtið að eiga svona stóran strák, nú byrjar það!!! Rakel er auðvitað upp fyrir haus eins og sönnu ljóni sæmir, er í fimleikum í dag, handboltanum á morgun og svo er jólasýning hjá henni í fimleikunum á sunnudagsmorgunn, mikið að gera í skólanum að skreyta, það er bíó sýning í dag og máttu þau koma með kökur og nasl með sér, voða stuð!! Pakkadagur hjá Róbert, ég var að pakka inn í morgunn því við gleymdum því í gær. Svo fara örugglega Arnór og Birta að koma til okkar nú þegar pabbi er kominn í land, ofsa gaman! Þau verða örugglega hjá okkur á aðfangadag þessar elskur ásamt ömmu og afa í Bugðutanga og vonandi ömmu Kötu og langaafa Róbert. Jæja þetta er nóg í bili.
kv. AP

Lélegur bloggari!!

2005-12-07T06:13:00.000-08:00

Jæja, það þýðir ekkert að vera með bloggsíðu og gera svo ekkert í bloggi!!! En núna tek ég mig á og skrifa daglega!! YES! likely!!
Núna er 7. desember og langt liðið á 38. aldursárið mitt, púff! og mér finnst ég alltaf svo ung!:-) Jólaundirbúningurinn alveg á hundrað, skreyta nýja húsið og svo bökuðum við piparkökur síðustu helgi, ég og börnin mín, Rakel Dóra og Róbert. Ekki þær fallegustu kökur í heimi en hugurinn á bak er góður. Robbi minn , sjóarinn minn heittelskaði er núna að landa á Vopnafirði í annað skiptið í þessum túr. Einhver ládeyða í fiskeríinu þessa dagana, þeir eru jafnvel að fara á kolmuna alveg lengst úti á hafi, nálægt Færeyum. Fæ hann jafnvel ekki heim nema bara rétt fyrir jólin...huhuhu......hlakka alveg rosalega til að fá hann heim og hlakka bara svo til jólanna. Rakel Dóra mín er alveg á fullu í fimleikum og handbolta, eins og mamma sín, og er alveg prýðilegur námsmaður er núna í 2. bekk. Alveg orðin læs og skrifandi, svolítill listamaður í sér. Róbert minn er í 8. bekk og á að fermast í vor. Honum gengur alveg prýðilega í skólanum, greindur drengur, einnig mikill listamaður í sér, hefur það ekki frá mömmu sinni...... Okkur líður alveg ofsalega vel í nýja húsinu í Dalatanganum, yndislegt hús, svoldið stórt en það veitir ekkert af þegar Arnór og Birta koma til okkar þegar pabbi þeirra er í landi, þá erum við orðin sex talsins. En annars, bara allt gott að frétta af okkur. Ég er á fullu í Mosfellskórnum, erum að fara að syngja næstu helgi fyrir veika fólkið á spítulunum, svo er hittingur hjá okkur æskuvinkonunum á föstudaginn á La Primavera....ummmm.....eitthvað gott að borða þar....Jæja best að láta þetta duga í bili, hlýt að komast í "blogg" gírinn núna.... ADIOS!

kveðja Anita

Loksins komin með bloggsíðu!

2005-09-23T03:15:00.000-07:00

Í dag ákváð ég að opna bloggsíðu. Þetta er svoldið sniðugt þar sem það er svo ótrúlega lítill tími að vera í kontakt við vini og vandamenn. Nú sendir maður þeim bara vefsíðuna og þar er hægt að fylgjast með því sem er að gerast hjá okkur Robba og litlu ungunum okkar. Nú er hann Robbi á sjónum og hefur ekki hugmynd um að hann er kominn með bloggsíðu....þeir lögðu af stað á síldveiðar á þriðjudaginn sl. og áætluðu að vera komnir á miðin á fimmtudag. Ég hef nú ekkert heyrt frá honum síðan á þriðjudaginn. Krakkarnir eru í fríi í dag í skólanum, starfsdagur kennara svo það er löng helgi framundan hjá þeim. Hef ekki hugmynd um hvað ég á að skrifa hérna en það hlýtur að koma svona með kalda vatninu.